ما هو الضغط الضغط النفسي, أعراضه, اسبابه, التخلص منه وادارة

الضغط النفسي, الضغط العصبي, التوتر, اسباب الضغط النفسي, اعراض الضغط انفسي, التخلص من الضغوط, التخلص من الضغط النفسي
ما هو الضغط الضغط النفسي, أعراضه, اسبابه, التخلص منه وادارة


ما هو الضغط النفسي(التوتر)

كام مره شعرت انك خلاص مش قادر تعمل حاجه, مش قادر اذاكر تانى, كام مره جيت علي اخر خطوة في شغلك او مذكرتك ووقفت مبقتش قادر ...
طب ليه مفكرتش ان ده ممكن يكون الضغط النفسي (التوتر).
ايوه فعلا ده ضغط نفسي و اللي خلاك مش قادر تكمل حاجة للآخر هو اللي خلاك متذكرش, تبقي عصبي, انك تنسى اللي ذكرته او الي كان مطلوب منك تعمله.
يبقى الضغط النفسي هو"استجابة المشاعر والجسد للظروف الخارجية".

اسباب الضغط النفسي

ايوه يعني ايه اللي يخلي الواحد يتعب كده؟, مش انت ساعات بيجي عليك فترات يبقى وراك حاجات كثير لازم تخلصها في موعدها, مثلا امي و امك اما يبقوا مطالبين في عزومه يراعوا كل واحد فيهم, ان البيت يبقي في أحسن صورة, وبعد العزومة وراها شغل كثير عوزه تلحق تخلصه وتبقي تجري علي شغل البيت وخدمة الزوج والعيال مهو كل ده ضغوط تسبب لها زي احباط من الشغل او تلاقي جلها صداع, جسمها يوجعها, ده حاجات صغيره اه بس حاجات صغيره كثير على بعضها بيعملوا ضغط نفسي.

برضوا ممكن يكون الضغط النفسي سببه حاجه كبيره, يمكن انت تكون شاب في عمر العمل ولسه مشتغلتش وبتدور على شغل, تلاقي نفسك  يجي عليك فترات خلاص مش عاوز اعمل حاجه او انك تنام كثير مكنتش طايق نفسك وتتعصب بسهولة علي اقرب الناس ليك.

طب مهو ممكن واحد يحس بالضغط النفسي في موقف والتاني لا, مهو ده لان الضغط النفسي بيبقى سببه عوامل داخلية زي مثال:

  • عارف لما تبقى رايح مقابلة عمل, امتحان او حتى اول يوم شغل ليك بتبقي رايح وحاطت توقعات كثير ومخاوف عن اليوم ده لو انت كده هتلاقي نفسك تخش الحمام كثير, بطنك وجعاك, متوتر, مهو ده بسبب انك عامل توقعات كبيرة.
  • قلة مهارة يعني انت كاب او كراجل بتبقي مطالب دايما انك تجيب وتدي وتدور على رزقك او انك تلحق تبني مستقبلك وتبقى مش عارف, انت متعرفش ازاي تنمي مهارات عشان تشتغل, متعرفش ازاي تدير مالك عشان ميضعش وتعرف تدخره, مهو ده يخليك توصل لنفس النتائج وتبقي دايما عند ضغط نفسي ومعندكش رؤية لبكرة انت هتبقي ازاي.
والمواقف المسببة للضغط النفسي ممكن تبقي في شكل زي:
  • شخصية: زي انك هتبقى اب او انك تبقي مريض
  • العائلة او الاصحاب: انك تتجوزي أو طلاق ومشاكل في العلاقات
  • المال
  • البيت
  • العمل والدراسة

اعراض الضغط النفسي

استجابتنا للضغط النفسي (التوتر) مختلف من شخص لاخر, بس أبرز أعراض هي:

  • أعراض جسدية

1. صعوبة النوم (الأرق)
2. وجع البطن
3. الصداع
4. انك يجيلك شعور بالرغبة في دخول الحمام بشكل متكرر
5. او حتي ان يصيبك الشعور بالغثيان
6. التعرق بشكل مفاجئ
7. وممكن للناس الكبيرة في السن ضغط دمها يرتفع

  • أعراض عقلية

1. إنك تفقد تركيزك
2. صعوبة التذكر زي ما بيحصل في الامتحانات, المقابلات, وغيرها
3. الارتباك

  • اعراض عاطفية (مشاعر)

1. انك تتعصب بسرعة
2. التوتر
3. الشعور بالإحباط
4. تفقد الصبر بسهولة
5. الشعور بالإرهاق


  • أعراض سلوكية

1. ممكن برضوا يظهر في شكل الواحد يقعد مع نفسه وميبقاش عاوز يجلس مع الناس
2. ممكن يظهر بشكل تقضيم الاظافر
3. زي مأنت بتقعد تهز في رجلك كتير وبسرعة
4. التدخين, الشرب.

لماذا إدارة الضغط النفسي

دلوقتي عرفنا الضغط النفسي هو ايه صح؟ في الحقيقة لا.
الضغط النفسي الناس تفهمه بشكل خطأ دائما ما ينظر له على اساس انه مشكلة وأنه مسبب للأمراض, بس الحقيقة هي أن المسبب للمرض هو الفرد نفسه واعتقاده عن الضغط النفسي.
الضغط النفسي او العصبي هو مجرد حالة استعداد جسدية ونفسية لنشاط أو لحدث, لموقف او غيره ولكن ليس حالة مرضية.
كمان معظمنا يجهل طريقة التعامل معاه, انت بتبقى عندك امتحان او مقابلة بسبب شعورك بالضغط والاستعداد له المستمر بتلاقي نفسك خلاص مش قادر اعمل حاجه, تفقد التركيز, لا تتذكر, ده رد فعلك على الضغط النفسي.
لكن شخص مختلف لنفس المواقف لا يحدث معه ذلك لأنه حول طاقة الضغط النفسي لفائدة تعود عليه فبقي اه عندي امتحان او مقابلة خلاص يبقي انا نظم وقتي, وهمشي على الجدول ويبقى خلاص في دماغه انا خلاص الامتحان ده ولن احتاج للمذاكرة تلك المادة ثانيا, وفي افكار اخري كثير ولكن ليس موضوعنا هنا.
بسبب ده يبقي انت لا تحتاج لحل للضغط النفسي لكن تحتاج ازاي تستغلها وتديرها لمصلحتك وده الي هتعرفه معنا.
(تعلم مواجهة الاجهاد والتخلص منه)

كيف تتخلص من الضغط النفسي وتديره؟

في الاول لازم تعرف ان لا شيء يتغير إلا بتغيير ما بداخلك, هنقسم مع بعضينا إدارة الضغط النفسي (العصبي أو التوتر) الي عدة خطوات:

1. لازم تعرف ايه هي المواقف المسببة للضغط النفسي.

طب نعرف ازاي الحاجه اللي مسببة ضغط نفسي؟, مهو لازم تعرف نفسك الاول وعشان كده حاول تجاوب بامانه علي الاسئلة:
ممكن يساعدك علي ده الآتي:
الشيء المسبب للقلق لك.
الشيء الذي تنتظر حدوثه.
توقعات عن وضعك العملي مستقبلا.
مين قريب منك وليك معاه مشاكل.
الشيء الذي دائما عاوزه ولا تقدر الحصول عليه.
ايه الي مسبب لك الخوف في حياتك الزوجية, العائلية, العملية, النفسية, الدينية.
الوقت يكفي نشاطاتك او لا؟
الشيء اللي مسبب لك الحزن في حياتك.

2. راجع نفسك ووضعك مع المواقف المسببة للضغط النفسي.

ده اهم حاجه انك تراجع نفسك مع المسبب للضغط النفسي, علي سبيل المثال.
انت راجل ومقبل على الجواز اكيد عندك قلق وخوف من المسئوليات المفروض تتحملها, فكرة تربية الطفل, وأنه يحتاج كذا وكذا والكثير من الاشياء, قلق وخوف من فكرة الزوجة كثيرة المشاكل وهكذا.
لاحظ انها كلها مجرد أفكار ليس لها أي دليل على وجودها في حياتك, مجرد أفكار عن أشياء لم تتعامل معاها اصلا, بنقول لنفسنا ان المرأة نكدية كثيرة المشاكل وهكذا ولكن انا لم اتزوج بعد وليس لدي من العلاقات الكثيرة ما تثبت ذلك, فاين لي بتلك الفكرة وليه اصلا مقتنع بها طالما هي ملهاش دليل بس عملالي قلق على الفاضي.
والزواج سجن وكبت للحرية, مجرد أفكار شيطانية ليس لها اي دليل وان وجد فهو ضعيف.
على النقيض.
شخص آخر مقبل على الزواج والأطفال ولكن لا يمتلك أي ضرر من الضغط النفسي ولا يشعر بشيء, لانه يري الزواج تكامل وكفاح من المراة والرجل لبناء حياة أفضل, يري المشاكل بينه وبين الزوجة ليس الا مفتاح لبناء علاقة قوية بينهم وان حلها بداخلهم, لا يصيبه القلق لأنه يراعي الزوجة او الزوج ويتقي فيها الله, لا يصيبه القلق لأنه يعامل السيئة بالحسنة ويعفوا.
انظر الاثنين نفس الموقف ولكن مواجهة الموقف بأفكار مختلفة خلاهم يحصلوا على نتائج مختلفة ومشاعر مختلفة.

مثال اخر:
شخص لديه المشاكل الاجتماعية الكثيرة والعلاقات السيئة مسببة له ضغط نفسي وشعور بالفشل وأصبح يتجنب الآخرين وغيرها من أعراض الضغط النفسي (العصبي).
هو بيتعامل الند بالند, الي يقول لي كلمة أردها له عشرة, لا اسامح من يخطئ في حقي, ليس للناس عندي حاجة فلا اعطيهم صدقة, طعام, أو غيره فكله ملك لي وحدي, انا افضل ممن حولي, سوء الظن, الناس عيونها وحشه وقلوبها وحشه, لا يوجد امين, (تلاحظ ذلك في الاغاني الغدر, الخداع, وسب الصداقة, والجواز وغيرها من العلاقات, والغريب ان المستمع يندمج كانه مر بتجارب اثبتت ذلك وهو اصلا طفلا لم يتجاوز 10 سنوات).
على النقيض.
شخص يرى الناس والعلاقات فرصة للتقرب من الله, فيسير يعامل السيئة بالحسنة, ويعفو ويصفح عن المخطئ في حقه, يرى في ماله وطعامه حق للناس وليس حق له فقط, يعامل الله ولا يعامل الناس, ساعد الناس يساعدك الله, اعطي الناس يعطيك الله وهكذا أتتخيل ان ذلك الشخص يشعر بالضغط النفسي؟ بالتأكيد لا فالأفكار مختلفة وسوية ولذلك لم تسبب له المشاكل.

بعد معرفة السبب للضغط كل ما عليك الاتي:
1. اسأل نفسك لماذا
 لماذا انت حزين؟
انا حزين لاني لم اعمل بعد
 ولماذا لم تعمل بعد؟
لاني لا امتلك خبرة او تعليم قيم (ربط الرزق بالخبرة والتعليم, بالناس, التوظيف)
 ولماذا لا تمتلك خبرة او تعليم قيم؟
لاني لم يتسني لي الفرصة لذلك (ربط حاله بالظروف وليس به)
 لماذا لم تمتلك الوقت؟
لا اعلم (غرته الاماني ولم يبني للمستقبل, فظن ان أمامه متسع من الوقت)
 لماذا لم تستغل الوقت؟
لا اعلم (نسي أن الله لا يغير ما بقوم حتى يغيروا ما بأنفسهم)

2. اسأل نفسك ايه الدليل  للأفكار المذكورة
3. انتقد تلك الأفكار وانها ليس لها دليل يثبت صحتها
4. ضيف أفكار بديلة مرتبطة بالله

إرسال تعليق

0 تعليقات